TAL DÌ DE MUSICHE

Ricuardant a Fulvio e a Ferruccio.

Il dì, une sabide, l’an 1965, il mês novembar, il puest, la terace de cjase dal Mestri Rodolfo Kubik, la borgade “Caballito”.

Il motît de riunion al jere “Il Dì de musiche”, la cjançon “Grazie all’inganni tuoi” di Mozart, e lis peraulis a son stadis “ Voaltris podaressis formâ un cuartet”.

Chest a ce ca la dît il “Mestri”, e cussì in che sere tra cjants e cjants e cualchi taçute di vin, si e formât il Cuartet.
Ce si puedial dì di plui, si sin cjatàs denant di un fat di fat, o jentravin te etât adulte come coriscj…Chel…”Voaltris o podaressis…” nus a dât il sburton, iniziânt alc che realmentri no savevin dulà cal leve a finì…

E cu la benedizion di Orfeu o vin metût man ae vore, dôs voltis par setemane si faseve provis cul mestri, il “Non" issint nô furlans ce di mancul che “Armonie”, e come simbul un Diesis, valadi simpri chel tichinin plui alt de note,par no colà nee cu la afinâde e tant mancul cul progjet.

Di ca, indevant a cjantâ, cussì le stât, cuasi par 40 agns, prin insieme cul Coro “Agrupacion Coral Buenos Aires”, un biel dì e cence nissune stampele o vin scomençât a svolâ, tal prin i svoi a jerin piçui e curts e si leve a cjantâ li che nus invidavin a falu podopo man man si e lats simpri plui in su, il nestri pecjât origjinâl la “Vilote”, in dutis lis presentazions o cjantavin une.

Podin dì cuai ca son stâts i moments plui significatîfs e impuartants che nus an marcjât i timps di une maniere o di che altre: un conciert cul Cuartet Stele Alpine di Cordenons, la nestre prime volte in radio e tv., la prime regjistrazion tai studis Philips e il prin disc di “Vilotis Furlanis”, la messe di Tomadini, un conciert te Capele di Tristan Suarez, il teatri Argjentin de citât di la Plata,

Il viaç a Friûl cui soi concierts (17 in 30 diis) dulà che lis emozions no nus lassavin cjantâ.

Tantis robis bielis, ma ancje di chês altris, za che la vite ti da e ti gjave, Fulvio za no le plui cun nô, alore la diaspore e il cjatasi cun Galliano cal tornave dai soi viaçs, e di gnuf si tornave a cjantà a trê vôs compagnàs cun la sô armoniche.

Ancje Ferruccio nus a bandonats, ma alc al reste, alc co puartarin cun nô e cui nestris amôrs, “La Musiche”
O ringrazi al amì e compagn di cjant Carlos Gurisatti, di vê dât dongje chestis peraulis.
-----------------------------------------

El 22 de este mes, es el Dia de Musica cuya Patrona es Santa Cecilia, saludo a todos los que interpretan y son amantes de esta Arte.

-------------

PALME-GNOVE

Traviersant il centri storic si passe trê puartis monumentâls, clamadis: Aquilee, Udin e Cividât, rivant te (place grande,a diestre, te foto) l’antighe place des armis.
Cheste ultime di forme esagon perfete e contornade di elegants e impuartants palaçs, tra i cuai si cjate il Domo, cal custodiis oparis di notevul interès.

Al merete di sei viodût ancje il Museu Civic Storic dulà ca si conservin lis armis i cimelis e ducj i documents che ilustrin la storie di cheste citât fuartece, de so nasite fin ae seconde vuere mondiâl. Costruide da la Serenissime Republiche di Vignesie tal 1593, slargjant cussì i soi confins orientai.

A je considerade il cap lûc de architeture furlane. Di fat Palme si po definîle come une citât fuartece progjetade par difindi i confins regjonâi des menacis forestis Turchis e dal espansionistic Austriac.

A ven tirade su dai plui famôs architets dal timp, ancje se il progjet a le atribuît al Sorintendent Gjulio Savorgnan. Si trate di un model citadin unic tal so gjenar: a forme di stele simetriche (te foto parsore a çampe) cun nûf pontis, e cun tune place centrâl. Dotade di trê cerclis di fortificazions:doi a son stâts fats durant il domini Venit, il tierç a je opare dai Francês.

In seguît ae colade di Vignesie tal 1797, la place fuarte e passe sot il domini Napoleonic, val a dì al’Austrie, e cul plebissît dal 1866, e passâ al Ream d’Italie.

Puarte Aquilee un timp clamade “Maritime” e je stade la prime a sei tirade su, tal 1598.
Puarte Cividât, costruide tal 1604,al interni de part superiôr, a si cjate il Museu Storic Militâr.
Puarte Udin,ancje je stade tirade su tal 1604, sore la curnîs e a un Leon di San Marc in piere. Al’interni de puarte si viôt ancjemò lis dôs ruedulis dal puint jevadôr, che si lis môf cun tun argagn.

(a diestre lis trê puartis)
-------------------------------------------
En el año 1960,un decreto del Presidente de la Republica Italiana,
proclamó a Palmanova “Monumento Nacional”.

I agns de "None"...dai Fogolârs.

Il prossim 6 di novembar, a finis 82 agns la Societât Furlane di Buenos Aires. A je stade fondade cul non di “Famee Furlane” tal’an 1927 par un piçul grup di furlans emigrâts a la Argjentine. Il so prin president a le stât il Siôr Leandro Basseggio.

La gnove istituzion, definide come “Fogolâr”, a je stade la prime dal sô gjenar tal mont, par sei la plui antighe si le cognòs come la “None”. Al dì di vuê a esistin centenârs di fogolârs tai cinc continents.

Fogolâr, al significhe, il puest de cjase dulà che il fûc impiât, le usât par cuei il mangjâ e par reonì la famee e i amîs, soredut tal unvier

A partì dal 1928 si a fitât, riformât e metût in condizions, il locâl di vie Cachimayo 98/112, tal cuartîr di “Caballito”, dulà ca la vût la sô sede sociâl fin che, tal an 1971, si met la piere fondamentâl de atuâl sede de vie Navarro 3974 di cheste Capital Federâl.

In avrîl dal 1938, la “Union Operâje Furlane”, si unìs a la “Famee Furlane” e la associazion cussì formade e passe a clamâsi “Societât Furlane di Buenos Aires”, che je la sô denominazion atuâl.

A son stâts agns di intense ativitât sociâl culturâl e sportive. Come esempli baste nomenâ a lis sub comisions ca funzionavin: Ciclisim , Côr, Fiestis, Balon, Balis e Culture.
La vite sociâl tal bufet a jere intense, lis fiestis, lis escursions, lis mostris plastichis ecc..ecc..
Lis visitis di autoritâts religjosis e civîi ca vignivin dal Friûl daspò dai agns 50 e an dât chel stimul, che sburtade, che di li indevant a si son fondadis tantis altris “Fameis Furlanis”, in dût il teritori Argjentin.

----------------------
El proximo domingo , la Sociedad Friulana de Buenos Aires, festejará el 82* Aniversario de este “Fogolâr”. Y, como todos los años, compartiremos almuerzo, bailes y cantos, con socios y amigos .

Mandi, ariviodisi.

L'Ultin Adiu...

(te foto il puart di Gjenue)


Gjenue. A jere une biele citât, tun paîs devastât da vuere e la miserie; un grant puart cun tantis nâfs, chel dì, ai 30 di Lui dal 1926.

Un transatlantic al stave par jevâ l’ancure. Tal puart, mil façolets al vint saludânt i lôr cjars che stavin pâr partì viers un mont a lôr, discognossût. A puartavin cun lôr aduès, une cjarie pesante di siums incomplets; cirint gnûfs orizonts dulà vivi in pas. A lassavin feridis insanabilis, dolôrs e pierditis memorabilis.

E cussì, in mieç a tante int, a jere ancje je, la puare frutate di dome 15 agns che leve pal mont sole; che spietave cun ansie e dolôr che partìs la nâf dai soi siums.
Une Siore, cuasi scognossude, le puartave cun je: so mari i veve fidât l’impegn di compagnâle tal viaç e consegnâle ai parincj tal puart di Buenos Aires.
Tra i mil façolets al vint, nancje un al svintulave par je.

Alore, cun desolazion e aviliment, cjapade la sô piçule valis, a jentre in gabine a vaì in solitudin…E a vaiût tant, che no i restarin plui lagrimis, daspò fasinsi fuarte par superâ il dolôr, a inmagjinave la gnove vite, da la gnove tiere che le spietave.
Si sumiave di cjatâ un paîs libar, san,cence dolôrs, cence muarts, cence vueris. Il so desideri cjatâsi cui soi fradis e cui barbis che le spietavin tal puart là in Argjentine; e cognossi gnûfs amîs. In Italie, tal paîs a jerin restadis dôs sûrs e la mame.

La nâf traviersant il ocean, jentrant tes aghis zalis dal “Rio de la Plata”. In chel moment Buenos Aires si viodeve di lontan e la frutate cu la valisute a cjalave in lontanance…

(te foto il puart di Buenos Aires)

-----------------------

Este relato, que lleva la siguiente dedicatoria: “A mi madre, Delia Giacomini, 19 de julio 2006, fecha en que debia celebrar sus 95 años”, fue escrito por el Ing. Mario Mattiussi, a quien agradezco su gentil colaboracion.

----------------------

18 di Otubar: Dì da la Mari...in Argjentine

Cualchi dì indaûr le stât il “Dì da la mari”, di ca, o vuei saludâlis a dutis “Lôr”, fasintju rivâ tancj “Auguris” di ogni ben, e che in cheste zornade a sedin contornadis dai lôr cjars afiets. E pes Maris che za no son tra noaltris, dut il nestri afetuôs ricuart, e la nestre ricognossince.

E cence cambiâ di teme, ma viodìnlu sot un altri aspiet, lassaitmi di che frase ca diis “Mari an’de une sole”, al sarès robe di mats no sei d’acuardi che, biologjichementri no le pussibil vent plui di une te vite di ogni individui.

Cun dut che, dopo che mont a le mont e plui ancjemò in chescj nestris timps, a esistin ancje lis maris presumudis o sostitutivis , a son feminis puartadis par arlevâ, tirâ sù i canais, ancje cence vê un vincul biologjic, ma i laçs di fradi a judin a definì la relazion.

Maris in afit, a je che femine ca ufiert il so vintri par puartà indevant la gravidance, che une volte nassût lu lassarà, rinunciant a cualsisei dirit legâl su la creature.

Maris par suplî fasìnsi caric di une cjase cun variis fruts, cualitâts domandadis: vê bogns sintiments, par podè atuâ come mari tal arlevament dai stes.

L’istint materni si lu viôt ancje tra i animai, a le une vore comun viodi une suplent di mari tra lôr, a son stâts dai câs di cjicis ca davin di tetâ a un côf di tigris e leons apene nassûts.

-------------------------------

A pesar del dicho “Madre hay una sola”, vemos que hay madres de todo tipo, y que todas, bien o regular, cumplen la elevada funcion de ser “Madres”.
En Italia esta fecha viene festejada el secundo domingo de Mayo.

-------------------------------

La scuvierte di...Americhe

A son passats 517 agns di chel 12 di otubar dal 1492: in chê dì trê caravelis Spagnolis, la “Santa Maria, la Niña e la Pinta” al comant dal navigant Genuis Cristoful Colombo, e son rivadis a tieris americanis. La spedizion, finanziade dai Re Catolics “Isabel e Fernando”, a jere partide dal puart di “Palos” in Spagne ai 3 di Avost dal 1492, il viaç a la durât 72 diis.

Il marinâr “Rodrigo de Triana” , stant parsore dal pal majôr si e metût a berlà – Tiere, tiere -,tal doman a son sbarcjàs tune isule di non Guanahaní, che in seguît a vignarà clamade San Salvadôr.

Chest viaç a fo la culminazion di un progjet ambiziôs inmaneât dal stes Colombo, di cirì une vie alternative plui curte e sigure viers la Cine e la Indie, navigânt de bande Ocidentâl, lant daur des gnovis teoriis sientifichis che circolavin disint che la tiere a jere taronde.

In tal secul XV, il comercii tra la Europe e il Lontan Orient, si lu realizave viazant viers l’Est, lant pal mâr Mediterani fin a Costantinopul, e a partì di lì si leve pe vie clamade des speziariis, che a je chê che Marco Polo al faseve tai soi viaçs a “Catay”. ( Cine )

Ce che no la mai savût Cristoful Colombo a le stât che, viazant viers l’Ocident, al jere rivât a un gnûf Continent, scognossût pe culture Europee di chei timps.

--------------------------------------

En nuestro pais se lo conmemora como “El dia de la Raza”. En funcion de otras miradas sobre lo ocurrido durante la conquista española, se ha propuesto denominarlo como “Dia de la Diversidad Cultural”, para no dejar de lado a los pueblos originarios de América.

---------------------------

Memoriis di îr...realtâts di vuê

Cui di nô no la te sô memorie il vîf ricuart di nonis, che an savût e volût danus fin al ultin, il miôr des lôr energjiis e savè. E che an ocupât il puest dai paris indafarâts e impegnâts tai lôr lavôrs, par podè tirà su lis parets di cjase, e tirà su la famee. Cul la dal timp ancje lis nonis a restin indurmididis, ma no prin di venus contât dutis lis storiis ca vevin sintût di piçulis des lôr avis.

-------------------------

Nine nane pipin di scune
cjale in alt ce biele lune
La mame e sta par rivà
e il tetin a ti darà
Su da brâf , no sta vaì
che la none a vûl durmì
Nine nane, nine nane
veju ca il papâ e la mame !!

------------------------
Le pussibil che Argjentins dissendents di furlans, a vedin sintude cheste “ninie” de bocje des lôr nonis; e al po sucedi che chel cal va ae tiere dai vons, nol cjate ce ca i contavin i soi di cjase.

Alc simil ai sucêt al furlan emigrant cal torne: che nol cjate ce ca si ricuardave.

Si , tai doi câs a si maravein di chel che cjatin vuê, tantis “gnovis” che no formavin part de lôr memorijes.

I furlans ator pal mont a vivin dôs realtâts ,“il dì par dì” , dal paîs dulà che ur e tocjat vivi, in plui a vivin il Friûl dai ricuarts
I ricuarts, par une lôr propie struture si son cristalizâts tal timp, e a dipendin de memorie, che ju cîr “di in’di chê volte”, za che lis personis che vivin tal forest a van indevant cun: modalitâts diferentis, costums, manieris di fevelâ ,ecc. ecc.), che invezit in Patrie a forin disvilupantsi cul passâ dai agns.

Al sucêt ancje che cualchidun che nus visite al disi “ chest, vuê no le comun viodilu in Friûl”.
Pai furlans in Patrie, in cambiio, la veretât des robis e i ricuarts a son une sole entitât, la realtât di simpri a je “ culì e cumò”.
------------------------------------------------
Desde siempre los flujos migratorios, las diasporas fueron ciclicas, a finales del siglo XIX, emigraban de Norte a Sur, y a finales del siglo XX parece haberse invertido yendo desde Sur a Norte.