sábado, 27 de agosto de 2011

La broade in cusine.......




      Il “Pirona” vocabolari de Lenghe Furlane, cussì la definî:

     Mangjâ popolâr, une vore comun in Friûl, fât di râs di broade, ingarbidis (par un doi mes) tun brentiel cu la trape acide misturade cun aghe.

     In Cjargne, al no ve vignâi, par sei plui adalt dai 400 metris, a metevin i râs te vanzadice dal most di piruçs, che a vevin in bondance, e risultave cetant plui zentîl e delicade di gust che chê fate cu la trape dal vin.

     Preparazion:

     La preparazion tradizionâl de broade in cusine, a impon di meti tune padiele di tiere cuete, il pestât di ardiel, cevole e une fuee di orâr, fasint un disfrit, par cui che i plâs ancje dal ai.

     Si zonte la broade gratade che (une vore impuartânt ) e à di cueisi lentementri par un bon par di oris, fin che cjape il colôr des cjastinis. Bisugne tignîle morbide butantji, in plui voltis dal brut di cjar di purcit, o ancje brut di verduris, al è plui lizêr.

     A part si fas un sofrit di ardiel di music e panzete, evitant il gras siolt e si lu zonte ae preparazion. Al finâl si sminuçâ te broade part dal muset che si veve cuet, il restânt  si lu taie a fetis, formânt une curnîs ator dal plat de broade, servî cun polente rustide.
---
Done Bete, amie di chest blog, nus à scrit : “Jo mi visi di cetant ca mi plaseve taià fin fin il râf e mangjâlu crût sparniçât di sâl. O soi lade a tirà fûr il graterâfs, no mi visi se lu veve costruît il nono o gno pari.”
Graciis de tô solite amabilitât. Mandi

---
In cheste fotografie si po viodilu.---

3 comentarios:

Gjovane dijo...

Mandi Galliano,
no savevi dai râfs cul most di piruçs.
Jo mi visi di cetant ca mi plaseve taià fin fin il râf e mangjâlu crût sparniçât di sâl. O soi lade a tirà fûr il graterâfs, no mi visi se lu veve costruît il nono o gno pari, velu ca tal link.

http://files.splinder.com/c7f2aab882e2cd8cb18a09089e02d677_medium.jpg

Jaio Furlanâr dijo...

Nol é il plat da fâ ducj i dîs ma cule polente rustide e un tai di vin le mangjarès ancje a gulizion:-)
Mandi

Galliano dijo...

Orpo Jaio, tu mi as fate vignì gole, in cheste part dal mont nol è facil mangjâle dispes.

Mandi