miércoles, 14 de octubre de 2009

La scuvierte di...Americhe



     A son passats 517 agns di chel 12 di Otubar dal 1492: dulà che trê caravelis spagnolis, la “Santa Maria, la Niña e la Pinta” al comant dal navigant gjenuis Cristoful Colombo a son rivadis a tieris americanis. La spedizion finanziade dai Re Catolics “Isabel e Fernando”, e jere partide dal puart di “Palos” in Spagne ai 3 di Avost dal 1492, il viaç al è durât 72 dîs.

     Il marinâr “Rodrigo de Triana” , stant parsore dal pal maiôr si metè a berlà – Tiere, tiere -; tal doman a sbarcjarin tune isule di non Guanahaní, che in seguît e vignarà clamade San Salvadôr.

     Chest viaç al fo la fin di un progjet ambiziôs inmaneât dal stes Colombo, chê di cirî une vie alternative plui curte e sigure viers la Cine e la Indie, navigânt de bande ocidentâl, lant daur des gnovis teoriis sientifichis che circolavin disint che la tiere e jere taronde.
     In tal secul XV, il comercii tra la Europe e il lontan Orient, si lu realizave viazant viers l’est, lant pal mâr Mediterani fin a "Costantinopoli". A partî di lì si leve pe vie clamade des speziariis, che jere chê che Marco Polo al faseve tai soi viaçs a “Catay” (Cine)

     Ce che nol à mai savût Cristoful Colombo al è stât che, viazant viers l’ocident, al jere rivât a un gnûf Continent, scognossût pe culture Europeane di chei timps.

     In Argjentine si le memoree come il “Dì de raze”. In tiermins di altris ponts di viste sul sucedût, al è stât proponût di clamâle “Zornade de diversitât culturâl”, par no emargjinà lis popolazions indigjenis americanis.

---

2 comentarios:

Unknown dijo...

Un grum di invenzions e scuviertis a son stadis fatis par câs tant ch'a si cirive alcâltri. Il to paîs al é un grant paîs fascinant e un dai plui grancj dal mont ma cuissà ce ch'al cirive cuant ch'al si é mitût a semenâ semencis transgenichis, po? O speri che le fierece dal paîs, lis vacjis, no sedin tiradis sù cui ormons come chês merecanis dal NORTE:-)
Ae prosime:-)

Galliano dijo...

jaio
ben tornat,mi par di capi che tu ses di gnûf in partence, vâstu forsi a cjapâ il clip?
Mi par che la scuvierte des semencis transgjenichis, cui sa dulà che nus puartaran.
In chest paîs tra la secje e lis politichis sbaliadis, i stan fasint dan al besteam e ae agriculture.

Mandi, e no sta pierditi. Galliano