miércoles, 13 de enero de 2010

Conte Jasidiche 2º part


Si dîs che “la realtât e po superâ la finzion”.

Timp fa al è stât publicât tal blog une jentrade clamade “Conte Jasidiche”, cun tune domande finâl: ¿Voaltris ce opinion vêso?

Vuê la realtât nus a dât une rispueste.
La belance de Justizie, (ricuardais che la statue che le rapresente le mostre simpri cui voi taponats), e à mandât fûr la sô sentence; la notizie cognossude a Buenos Aires ai 18 di Dicembar dal 2009, nus dîs che la Cjamare di Cassazion e a confermât la sentence dal an 2005, che veve condanât a penis di preson che  levin dai trê agns ai trê e mieç, a trê personis che vevin robât une vacje par mangjâle (il fat al jere sucedût tal Dicembar dal 2001).

I imputâts, che a vevin fameis numerosis, a àn argomentât in difese che  lu vevin fât par sei tun nivel di puaretât, miserie e necessitât, (si jere te crisi Argjentine dal 2001), sostignint che robarin l’animâl par disfamâsi, za che la vacje no je stade vendude, ma a servî di aliment.

Pe Justizie Argjentine, seont i judiçs: “ni la miserie ni la necessitât di vuadagnâ la sussistence sô e de famee lu dispensâ de colpe”.

Une volte ancjemò: ¿Voaltris ce opinion vêso? 
---

3 comentarios:

OSCAR dijo...

Hay un aforismo latino que dice: "Dura lex, sed lex", que nos recuerda, según el diccionario, que aunque nos resulte penoso un precepto legal, hay que someterse a él.
A pesar de ello, si la condena implica el cumplimiento de prisión efectiva, en mi opinión es una sentencia injusta.

Furlans de diaspore dijo...

Mi a fate simpri pôre le idee de justizie bendade. Mi plasarês almancul che le lec e vedi vision 20/20 e ancje un poc di compassion.

Mandi, ( da chel continent a Nord dal to' ma simpri de to bande de aghe)

Norman

Galliano dijo...

Mandi Norman:
Benvignût cul to coment a “Leturis” e ben tornât tal mont dai “Blogarins”, al fas simpri plasè viodi gnovis presincis.
A tu forsit lete la prime part de "Conte Jasidiche" ? editade in "Leturis" il 2-12-2009, che dîs:
"Il jasidisim a je une curiint mistiche dal judaisim che si je disvilupade te Europe orientâl tra i secui XVIII e XIX.."
li a metevin in pratiche la compassion.
De justizie di “vuê” in gjenerâl o ai i mei dubis.
Ti saludi di “ca da l’aghe tal Sud”

Galliano