miércoles, 27 de enero de 2010

Primo Carnera


     Primo Carnera al è stât il plui grant pugjil Talian dal ‘900. Nassût un 25 di Otubar dal 1906, a Sequals, provincie di Pordenon, a une cuarantine di km. di Udin.Di fat al è il prin pugjil Talian a vuadagnâ il titul mondiâl dai massims.
Alt plui di doi metris, cuntun pês di 120 chilos, al è rivât a primâ cui nord americans, che di solit a son i parons di chest sport.

     La Societât Furlane di Buenos Aires, tal an 1962 e à vût l’onôr e il plasè di ricevilu te sô sede.
     La fotografie nus mostre la cene riceviment, “nol covente che ûs disi che al è chel che al sta fevelant”, sentât ae sô diestre, il Cav. Remo Sabbadini, President de Societât, e a çampe Maria Sabot Sabbadini, sô mari, fasìnti i onôrs di cjase. Si viôt altris personis socis, e ancje cualchidun de mê famee (mê mari e mê sûr).
     E fasìnti curnîs a chest cuadri di famee, si viôt il “Fogolâr”.

     Al vignive metût al tapêt da une grave malatie, savût di vê pierdude la partide de vite, Primo Carnera il 22 di Mai dal’67, al vûl tornâ a Sequals, pâr murî tal so mai smenteât Friûl.
     Il “Zigant bon” come che al vignive clamât, al veve da pôc finît 61 agns: al è muart il 29 di Jugn dal ’67.
---

4 comentarios:

Jaio Furlanâr dijo...

Biel ricuart Gallian.Puar Gjigant, cuissà tropis pachis ch'al à scuignût cjapâ.

Galliano dijo...

Al veve fame di bon ,e di sigûr come ducj i bogns,
lis varâ sigûr cjapadis di ducj i colôrs.
(dai furbos dal ambient de boxe)
O ai un ricuart di chê sere dal '62
te Societât Furlane di Buenos Aires,
no podevi gjavai i voi, viodìnti
lis scarpis e lis mans.
Le stât un grant.

Ti saludi , Galian.

Anónimo dijo...

Ce biel ricuart, Galliano.
Jo soi stade une desene di agns fa a viodi la cjase a Secuàls, tal periodi che il Comun al jere in tratativis di comprâle dal privât che dopo dal taramot dal '76 la veve cuistade e restaurade. Jerin une comitive e nus an permetût di viodi la palestre e ancje la cjamare ca ere stade un regâl dal princip Umberto, se ben mi visi.
O sin stâts ancje in cimitieri e cussì o ai savût che la so spose si clamave Gjovane. Nus veve compagnâts un parint, crôt un nevôt, ancje lui une stangje di om. Nus veve puartât a fa viodi la scarpe n. 56.

Tal 2008, par television, e an trasmetût un biel film su la so vite.

Mandi
Gjovane

http://www.zapster.it/cinema/
Carnera-The-Walking-Mountain/trailer-1

Galliano dijo...

Mandi Bete,

propit un biel ricuart, a viodi chel omenon,
prin di sentâsi a taule, ducj a volevin saludâlu,
fas cont che cjalant dute chê int,
Carnera al jere il cjampanili,
e la int intor di lui, il tet de glesie.

La foto le ai a cjâr come
ricuart di famee.

Stami ben, e buine setemane,

Galliano